అమ్మకు పాదాభివందనాలు#తుమ్మ జనార్దన్ (జ్ఞాన్)#9440710501

అమ్మ: ~ తుమ్మ జనార్దన్ (జ్ఞాన్) కోరికలను సమాధిచేసి మాతృత్వపు తెరవేసి గంభీర గగనకుసుమం కారుణ్య మూర్తి తనకై ఏమీ కోరని త్యాగశీలి అనురాగవల్లి అమ్మ, ఎంత పిలిచినా తరగని ఆప్యాయత అనుక్షణం ప్రేమ వెదజల్లే మాతృ పరిమళం అనురాగం, ఆప్యాయతలే ఆభరణాలు అమ్మకు. అజరామర అద్భుత జ్ఞాపకాల గని అలుపెరుగక సాగే ప్రేమ జీవనది స్వార్థమెరుగని శాశ్వత స్వాగతాంజలి సాత్త్వికతకు సామరస్య స్నేహితురాలు కర్మఫల మాశించని పరమ యోగిని అమ్మ, జీవన పర్యంతం లభించే ప్రేమామృతం. అమ్మ, బాధ్యతల మేరువులు ప్రేమ మెరుపుల మధ్య తిరగలిలో ధాన్యంలా మారినా ధన్యమైనట్లు భావిస్తుంది బేలగా ఆరోగ్యం అడుగంటినా, ఏమీ ఎరగనట్టుంటుంది లీలగా ప్రేమకు శాశ్వత చిరునామాగా విశ్వంలో నిలిచింది అమ్మ అలసినా, ఆకలేసినా పనిలో నిమగ్నం - జీవన పర్యంతం ఉత్సాహం తగ్గదు, నిట్టూర్పు రాల్చదు - నిజ దేవత కదా అమ్మ! 💐 అమ్మకు పాదాభివందనాలు 🙏